DAVAO CITY – Nagpadayag ang duruha ka mga airlines gikan Indonesia ug usa sa Philippines sa ilang interes nga ibalik ang direct flights tali sa dakbayan sa Davao ug Manado sa North Sulawesi, Indonesia isip kabahin sa pagpaningkamut nga mapalig-on ang connectivity talo sa Association of Southeast Asian Nations (ASEAN).
Kini ang gibutyag ni Indonesian Consul General Dicky Fabrian. Sumala sa opisyal nga usa ka iladong airline company sa Indonesia ug Pilipinas mamahimong magpatuman ug direct air linkage. Gani gisugdan na matud pa ang hinabi kalabot sa maong plano.
Sa higayon nga mahinayon pagbalik ang Davao-Manado air linkage, mamahimong molig-on pa ang ASEAN connectivity ug makunhuran na ang travel period sa mga turista ingon man mga negosyante nga mobiyahe sa duruha ka mga nasod.
Nasayran nga anaa sa unom ka oras ang biyahe gikan sa Jakarta paingon sa Davao via Manila apan kung direkta na kini sa Davao, mamahimong pila ka oras na lamang ang biyahe.
