DAVAO CITY – Gidakop ug gibalhug sa bilanggo-an ang usa ka bag-ong babayeng police nga nadistino sa Talomo Police Station ang dali nga giposasan human makuhai ug footage sa video phone nga mikawat sa kwarta gikan sa pitaka sa iyang kauban sulod sa Women and Children Protecson Desk (WCPD) Office ning milabay nga gabii.
Sumala pa kang PBGen Marcelo Morales, Police Regional Office (PTO) Eleven nga mga 7:20 ning milabay nga gabii, si Patrolwoman Girly Ann B. Lahay Lahay, Police Community Relation Officer – Police Non-Commission Officer (PCR PNCO) sa nabhisgutan nga police station, nakadiskobre nga ang iyang cash money sa iyang pitaka nga mikantidad ngadto sa P1,500 ka pesos kulang na ug P100.00 ka pesos nga gibutang niya sa WCPD office.
Migula sa gilusad nga imbestigasyon ug veripikasyon nga gihimo ubos sa supervision sa Station Commander, PMAJ Ronald Lao, mibilin kini nga on ang video sa cellular phone sa lain pa nga policewoman alang sa posible nga pag-ila sa suspek gumikan sa kawat nga mibiktima sa WCPD ug PCR Personnel. Isip resulta, nakita sa video nga usa ka Patrolwoman Rosa Lyn Sosas Molles, WCPD Personnel, ang mikuha sa P100.00 ka pesos gikan sa pitaka ni Patrolwoman Girly Ann B. Lahay Lahay nga wala’y pagtugot sa tag-iya, nga misangpot sa pagkadakop sa suspek ug pagkabawi sa gikawat nga P100.00 ka pesos nga dunay serial number BB524058 nga dali gilayon niya nga gibutang sa lingkoranan sa dihang gikuyogan na siya sa police nga midakop kaniya ug sa police nga saksi. Nasayran sab nga mga alas 12:20 sa hapon sa samang adlaw si PSSG Lucy Guy-Ab, WCPD nga sa pag-review sa cellular phone video, nakita nga sa video nga si Patrolwoman Rosa Lyn Sosas Molles sab ang mikuha sa 500.00 ka pesos gikan sa pitaka ni PSSG Lucy Guy-Ab.
Si Patrolwoman Rosa Lyn Sosas Molles gipahibalo sa krimin nga iyang nahimo ug sa iyang constitutional rights ug gidala siya sa Southern Philippines Medical Center alang sa gikinahanglan nga medical procedure.
Balhug na sa Talomo Police Station ang dinakpan alang sa pgpasaka sa kasong Theft batok kaniya.
Subling gitataw ni PBGen Morales, nga padayon ang ilang gipahigayon nga Internal Cleansing ug dili ikonsente ang dautan nga mga binuhatan sa ilang mga nasakopan.
“I am dismayed by this incident involving another police officer into theft and victimizing fellow police officers. Nakakahiya. Malaki na nga ang sahod ay nakagagawa pa ng kawalanghiyan at sa kapwa pulis pa sa loob ng istasyon. Rest assured that she will suffer the consequences of her chosen path. She will go through what other civilian people go through when they are caught stealing.” Dugang pa sa PRO-11 Director nga kung mapamatud-an nga sad-an ang nahisgutan nga babayeng police mabilanggo ug mataktak sa serbesyo, gumikan kay sumala pa niya ang susama nga personahe wala’y dapit sa PNP.
“We never tolerate anyone of our colleagues for committing illegal acts or crimes. We will be very serious to sanction this erring policewoman to make sure these things won’t happen again,” Pahayag ni PRO-11 Director Police Brig. Gen. Marcelo Morales.
