DAVAO CITY – Human Makita nga daw nagkabahin-bahin ang kongreso, nadasig karon si Davao City 1st. District Representative Paolo Duterte nga modagan siya sa pagka-House speaker race sa kongreso.
Ang presidential son una nang namahayag nga wala siya’y interest sa posisyon, apan mikambyo sa iyang huna-huna gumikan sa hisgot-hisgot kalabot sa ‘term sharing’ nga padayon nga gihingusgan Congressman Alan Peter Cayetano.
Sumala pa kang Polong mo-apil siya sa pagka-speaker, sa pagtuo nga siya ang subling makapahi-usa sa mga magbabalaod. Kung term sharing, term sharing na silang tanan.
Gisugyot ni Duterte nga ang speaker of the house post mamahimo nga representante gikan sa Mindanao, Visayas, Luzon, ug sa partylist groups.
Hangyoon sumala pa niya ang visayas bloc nga mo-pili ug mamahimo nila nga speaker alang sa ilang term share, ug ingon man sab ang Mindanao bloc ug ang partylist coalition.
Dugang pa ni Congressman Duterte nga wala lamang sila naghisgot sa duha ka tawo, gumikan kay ang ilang gihisgutan mao ang alang sa tibuok nasod.
Dili lamang kini kalabot sa speakership, apan kung kinsa ang tukma nga tawo nga makapahi-usa sa kongreso ug milaum siya nga ang mga midagan sa speakership mounding na sa pag-impluwensya sa gabinete.
