DAVAO CITY – Gipasalig sa bag-ong Land Transportation Franchising and Regulatory Board (LTFRB) 11 regional director Atty. Armand Dioso nga ipadayon niini ang paggukod sa mga kolorum nga mga pampasaherong sakyanan nga nagbiyahe-an sa Davao region.
Atol sa gipahigayon nga turn over ceremony, mapasalamaton ni Atty. Dioso sa bag-ong tahas nga gihatag kaniya ug gipasalig nga himuon niya ug tarong ang responsibilidad nga gisalig kaniya.
Samtang aron nga makatabang sa pagpalambo sa turismo dinhi sa siyudad, iya sab nga tutokan ang mga biyahe sa mga tourist bus transporation.
Gihulipan ni Atty. Dioso ang OIC regional director sa ahensiya nga si Atty. Catleya Acaylar.
Samtang gipahimangnoan sab ni Atty. Martin Delgra III, chair sa LTFRB si Atty. Dioso nga kinahanglan tutokan niini ang uban pang suliran sa ahensiya sama na lamang sa korapsiyon ilabi na nga usa kini sa hugtanon nga kampanya sa kasamtangan nga administrasyon.
Angayan sab sumala pa nga siguruhon sa bag-ong opisyal sa ahensiya nga himuong luwas ang biyahe sa mga pasahero.
