DAVAO CITY – Gibutyag ni Atty. Jamilla Estares ang Officer-in- Charge sa Securities and Exchange Commission (SEC) Davao nga magpahimutang sila ug help desk aron nga matabangan kadtong mga nabiktima sa nagkadaiyang investment scheme sa rehiyon ingon man sa mga kasikbit nga lalawigan.
Tumong sumala pa sa maong lakang nga maalalayan ang mga investors nga mabalik kanila ang nawala nga kwarta.
Gikanayon ni Atty. Estares nga dili kinahanglan nga pasagdan na lamang ang mga biktima nga dili mabawi ang ilang gi-invest nga salapi sa mga investment scams sa siyudad sama na lamang sa Kapa Community Ministry International Inc., diin milyon ka mga tawo ang nabiktima diin pipila niini ang wala pa nakabawi sa ilang gi-invest nga kuwarta.
Gihimo lamang sa SEC ang maong lakang gumikan kay buot nila nga panalipdan ang katawhan batok sa pagpangilad.
