DAVAO CITY – Nakadawat ug pagdayeg ang army reservists ilalom sa 2202nd Ready Reserve Infantry Brigade, Philippine Army human dali niini nga nakaresponde sa nahitabong sunog sa COMELEC XI office sa Magsaysay Tourism Park.
Sila si Sgt Roderick Magbanua PA (RES) ug Pfc Michael Pantujan PA (RES) nga susamang reservist headquarters (HQ) ang duol lamang sa lugar diin nahitabo ang insidente pasado alas onse kagahapon sa buntag.
Walay pagduha-duha nga miresponde ang mga nahisgutan ug nasubay ang nasunog nga styrofoam.
Tungod dali nga napatay ang kalayo ug gani gideklara na lamang sa Bureau Fire Protection (BFP) ang fire out atol sa pag-abot nila sa lugar.
Gidayeg ni Col Isidro T Ungab GSC PA (RES), Brigade Commander sa 2202nd RRIBde, ang gihimong lakang sa duruha ka mga army reservists ug gikatakdang hatagan ug pasidungog ang mga nahisgutan.
Nakabase ang 2202nd RRIBDe sa ilang bag-ong head quarters sa Magsaysay Park, nga gigahin ni Mayor Sara Duterte, nga reserve colonel usab sa Philippine Army.
