Davao City dili pa andam sa pagwatang sa mga PUJs – Mayor Sara

DAVAO CITY – Magpadayon lamang gihapon ang pagpatuman sa High Priority Bus System kun HPBS sa dakbayan sa Dabaw karong tuiga.

Kini ang gibutyag ni Davao City Mayor Sara Duterte-Carpio nga ipatuman ang pinaka-una nga ruta sa HPBS sa Catalunan Grande ning syudad sa Dabaw.

Sumala sa mayor, magsilbi kini nga augmentation sa mga pampasaherong jeep sa Catalunan Grande diin nakasinati og pagkulang sa mga masakyan ang mga residente.

Target nga makompleto ang tanang mga ruta sa HPBS sa tuig 2021.

Samtang, gitin-aw usab ni Mayor Inday nga dili pa karon ang tukmang panahon aron hingpit nga i-phase out ang mga Public Utility Jeepney kun (PUJ) sanglit dili pa andam ang syudad sa Dabaw alang niini.