DAVAO CITY – Naglaom ang mga konsehal ning dakbayan nga matutukan ang pagtukod ug city government-owned school sa higayon nga magsugod na ang mosunod nga city council.
Sumala pa kang Re-elected councilor and education committee chair Pilar Braga nga moduso siya ug resolusyon alang sa pagmugna ug City College of Davao.
Sumala pa kang Braga nga ang uban nga mga siyudad sama sa Manila, Makati, ug Pasay ang adunay kaugalingon nila nga public ug locally funded city-flagship schools.
Hinuon gikanayon sa opisyal nga sa kasamtangan, wala pa sila nagkahinabi ni Davao City Mayor Sara Duterte-Carpio sa kalabot sa maong sugyot apan nagtuo ang nahisgutan nga suportado kini sa Mayor gumikan kay daghanan sumala pa nga mga Dabawenyos kalakip na ang mga kabus ang makapadayon sa pagtungha sa ilang kolehiyo.
Samtang una na sab nga gibutyag sa nahisgutan nga 21 ka mga nagkadaiyang proyekto sa siyudad ang andam na nga i-turn over sa nagkadaiyang city public schools diin kalakip niini ang pagtukod sa unom ka mga classroom, dos andanas nga gambalay sa Talomo Central Elementary School nga gigahinan ug pundo nga P11,125,000.
