DAVAO CITY – Gi-awhag sa Department of Agriculture regional office Davao (DA 11) ug pipila ka mga academic researchers sa siyudad nga himuon ang science-based farming inay nga mosunod sa mga market trends.
Sa gipahigayon nga pagtuon sa us aka unibersidad sa 10 ka mga dagkong agricultural areas sa siyudad, nasayran nga mayorya sa mga mag-uuma ang nananom base sa demand sa merkado ug trend sa komunidad.
Sumala pa kang Addu researcher and Economic Department chairperson Mildred Estrada nga ang nahisgutan nga lakang usa ka bahad sa sustainability sa sektor sa agrikultura sa siyudad.
Nasayran nga ang 10 ka mga study areas sa dakbayan ang gilangkuban sa Barangay Magsaysay, Barangay Malamba, Barangay Suawan, Barangay Lamanan, Barangay Gumalang, Barangay Sirib, Barangay Tungakalan, Barangay Talandang, Barangay Biao Escuela ug Barangay Biao Matina. Gitataw sab ni DA 11 focal person Noel Provido nga gi-awhag sab sa ahensiya ang mga mag-uuma nga himuong basehan sa ilang desisyon ang science p suitability sa ilang luna ilabi nga dili tanan nga mga pananom ang mamahimong itanom sa ilang areas. Gitataw sab sa opisyal nga kinahanglan adunay diversify agricultural crops aron nga makahatag ug oportunidad ngadto sa mga mag-uuma.
