DAVAO CITY – Makamulta ug tagsa ka libo ka pesos ang kwarenta y otso ka mga driver nga nangadakpan gumikan sa pagpamasada sa dakbayan sa Davao nga wala’y mga PUV ID.
Sumala pa kang City Transport and Traffic Management Office (CTTMO) Head Deonesio Abude nga resulta kini sa sunod-sunod nila nga mga operasyon.
Tumong niini nga kampanya nga ang mga nagapamasada sa dakbayan sa Davao nga mga PUV dunay gihoptan nga mga ID gikan sa CTTMO.
Gi-angkon ni Deonesio Abude nga wala pa sila’y nadakpan nga naghupot ug mga peke nga mga ID apan padayon ang ilang pagpanakop sa mga wala pa’y PUV ID apan padayon nga nagapamasada.
Mas midaku ang katahap ni Abude nga ang mga driver nga wala maka-claim sa ilang PUV ID wala’y gihoptan nga mga prangkesa ang mga sakyanan nga ilang gihimong pasahero-an.
