DAVAO CITY – Human nga nalambigit sa pagmasaker ang usa ka miyembro sa Cafgu, gipasalig ni Col. Nolasco Mempin, commander sa 1003rd Infantry Batallion Philippine Army nga mas pahugtan na nila ang karon ang pamaagi sa ilang recruitment.
Kahinumduman nga napatay sa engkuwentro ang Cafgu nga suspek sa pagmasaker sa Pamilyang Ponce sa Marilog District ning dakbayan sa milabay nga adlaw.
Una ng naila ang suspek nga si Randy Balagisi, 23, CAFGU Active Auxiliary (CAA) ilalom sa 16th Infantry Battalion sa Barangay Gumitan Patrol Base ning dakbayan. Samtang ang mga biktima naila nga sila si Liza Ominloy Ponce, 49; Christine Ominloy Ponce, 29; Ana, 14; ug Rey, 5 anyos.
Sumala pa kang Col. Mempin nga hugtanon nila karon nga subayon ang background sa mga mo-apply pagka-cafgu aron masiguro nga dili na subli nga mahitabo ang susama nga krimen sa umaabot nga panahon.
