DAVAO CITY – Andam na ang tanan alang sa Eastern Mindanao Command (EMC) sa pagpahigayon sa Midterm Local ug National Elections karong May 13, 2019.
Sa kasamtangan, ang mga tropa sa EMC nga gipang-deploy sa pagpahigayon og support program sa nagkadaiyang mga komunidad ang mipahigayon usab ug security operations sa ilang tagsa-tagsa ka area of jurisdiction aron masiguro ang kaluwsan sa preparasyon, ilabi na ang paghatud sa mga election paraphernalia sa lain-laing polling centers lukop Eastern Mindanao.
Ang dugang sangon sa tropa nga kasamtangang gipang-deploy ang isip suporta usab sa Integrated Security Plan (CISP) nga gipatuman sa Commission on Elections (COMELEC)-Armed Forces of the Philippines (AFP)-Philippine National Police (PNP) Joint Security Coordinating Committee (JSCC) sa nagkadaiyang mga rehiyon, probinsya ug mga munisipalidad sa Eastern Mindanao.
Gimanduan na usab ni Lt. General Felimon T. Santos Jr., Commander sa Eastern Mindanao Command ang Regional, Provincial ug Municipal Rapid Deployable Force and Quick Reaction Teams nga suportahan ang PNP kung gikinahanglan.
Naa na usab sumala pa sa alert status ang tanang AFP transport equipment sa EMC sama sa floating and flying assets ug andam nga i-deploy kung gikinahanglan subay sa kamanduan ug pagtugot sa COMELEC.
