DAVAO CITY – Naka-alerto karon ang Highway Patrol Group (HPG) batok sa mga van nga naga-overloading ug mga pasahero.
Sumala pa kang Senior Master Sgt. Timie Otensio hugtanon nga gi-dili ang overloading aron nga maseguro nga luwas ang biyahe sa mga public utility vehicles, labi na kay semana santa.
Isip pagpatuman sab kini sa Oplan Ligtas Biyahe sa mga otoridad.
Sumala pa kang Otensio nga sa terminal pa lamang daan ang mga PUJ ug mga PUV aron nga maseguro nga dili kini magka-mechanical failure ug ma-aksidente samtang anaa sa kadalanan.
Kompyansa ang HPG nga i-plug down niini ang mga sakyanan nga dunay sakay nga mga kabataan sa atubangan bisan pa man kung naka-seatbelt.
Samtang gipasalig sab sa nagdumala sa Van Terminal sa GMall nga wala maggamitan sa illegal nga druga ang ilang mga driver ug dili sab kini hubog nga nagamaneho.
Sumala sa terminal in-charge nga si Fernando Laude nga pulos normal ang kondisyon sa ilang mga driver ug kung dunay manimaho nga mga ilimnon dili nila kini pabiyahi-on.
Wala ginatugotan ang extension sa mga lingkuranan, apan nagtuo si Laude nga mi-andam ug plywood ang mga konduktor panahon nga mamugos ang mga pasahero.
Alas 9:00 kaganinang buntag mingaw pa ang van terminal sa terminal sa GMall apan karong hapon gilauman nga dagsa na ang mga pasahero.
Gipasalig sa mga pasahero nga sa higayon nga mapuno na ang mga van molarga na dayon sila.
