Gipahibalo sa Davao City Business Bureau nga kutob na lamang karong adlawa ang pagduso ug business permit alang sa mga charter boats nga adunay biyahe patabok sa Island Garden City of Samal.
Dungan niini, hugtanon na nga ipatuman sa dakbayan ang No permit, No Sail policy ilabi na sa mga charter boats nga gamiton sa mga island hopping.
Sa kasamtangan, aduna nay 44 ka mga charte boat operators na ang nakakuha ug permit sa business bureau, 4 ang for approval status ug usa pa ang nag-proseso sa permit.
Una ng nasayran nga mukabat sa 70 ang charter boat operators sa dakbayan ug kapin 100 ang nagabiyahe alang sa Island hopping.
Gibutyag sab ni Atty. Marissa Torentera, head sa City Business Bureau nga mas maayong makapa-ilalom na sa interview ang mga operators aron nga mahatagan kini ug clearance gikan sa Philippine Coast Guard (PCG).
