DAVAO CITY – Nanawagan ang Commission on Elections in Davao (Comelec-Davao) ngadto sa publiko nga moduso gilayon ug reklamo sa mga kandidato nga nakahimo ug kalapasan nga adunay kalabotan sa pinili-ay.
Sumala pa kang Comelec-Davao spokesperson Krisna Caballero nga nakarekober sila ug pipila ka mga illegally posted campaign materials atol sa Oplan Baklas dinhi sa dakbayan sa milabay nga Abril 10, 11 ug 12.
Hinuon gibutyag ni Caballero nga ubos lamang karon ang ilang gipanglangkat nga mga campaign materials kung itandi sa milabay nga mga eleksiyon. Sagad sumala pa sa mga posters nga ilang narekober atol sa Oplan Baklas ang gikan sa party list group.
Gitataw sab ni Caballero nga aduna silay team nga motutok sa pagpatuman sa Oplan Baklas alang sa mga posters nga gipahimutang sa mga ginadili nga areas ingon man election propaganda nga wala mitamud sa tukma nga gidak-on sa ilang poster.
