DAVAO CITY – Dakpan sa mga tinugyanan sa balaod ang lima ka mga tawo nga nagapangayo ug medical assistance gamit ang pangalan sa mga tawo nga dunay balati-an.
Natigayon ang pagdakop atol sa entrapment operation sa kapolisan sa Tugbok, diin nadakpan sila si Cherry Ann Antefuesto, Cherilyn Aranez, Roxan Geroni, Merriam Artemio ug Mirriam Jover.
Nasuta sa kapolisan nga nagagamit ang grupo ug mga tawo nga dunay sakit ug gina-endorso nila kini sa Lingap ug sa DSWD aron nga mahatagan ug tabang panalapi.
Bisan pa niini gikonsidera kini nga modus gumikan kay wala kini’y pananghid ngadto sa nagsakit ug palsipikado ang dokumento gumikan kay gipeke ang pirma niini.
Nasayran nga ang kwarta nga makuha bahin-bahinon ra sab sa mga suspek.
Sumala kang Police Captain Omelito Sobrecarey, deputy station commander sa Tugbok Police mobiyahe sa mga hilit nga mga barangay ang mga suspek ug mangita ug mga ngalan sa mga masakiton.
Bisan pa niini hugtanon kini nga gipanghimakak sa mga suspek.
Sumala kang Ardenio nga wala sila masayud sa mga gipasangil kanila.
