Mga Higala Komusta Ug Maayong Buntag!
Wala mokompyansa ang mga grupo sa mga motorsiklo sa atong nasud karong panahuna kini human nga napirmahan ang balaud sa pagpatuman sa doble nga palaka sa ilahang mag motorsiklo. Sumala pa sa mga grupo nga andam sila nga mupakita sa ilahang pwersa isip pagpakita sa hugot nga pagbabag sa katumanan sa maong balaud nga bag-o lang napirmahan.
Sa miaging semana atol sa panagtigom sa grupo sa mahilig ug mga morsiklo didto sa IloIlo, gibutyag ni Pangulong Duterte ngadto sa mga nahisgutan nga iyahang isuspinde ang pag-implumentar sa doble plaka sa mga motor sanglit makahatag kini ug kaalautan sa mga rider kay talinis ang matag kanto niini nga basin ug mao pay hinungdan sa pagkadisgrasya nga matusok siya. Kini nagpasabot nga mismo ang pangulo wala makauyon sa iyahang napirmahan nga bag-ong balaud ni senador Richrd Gordon. Gidugang sab sa Pangulo nga wala sab siya kauyon sa naaprubahan nga gidak-on sa plaka tungod alang kaniya dako ra alang sa mga motor nga kung imung tan-awon dili nindot ang hitsura, kung sa uban pa sagabal na sa mga mata ang doble plaka. Iyaha sab nga sulayan nga hangyuon ang LTO nga kunhuran ang penalty nga gikan sa 50 mil ug himuon kining 10mil, kay gidak-an ra ang pangulo nga kung imung hunahunaon makapalit naman sa maong kantidad ug motor.
Atong mahinumduman nga sa miaging mga semana sukad nga kini napirmahan sa atong pangulo ang bag-ong balaud. Miani kini ug mga nagakadaiyang mga negatibvong mga reaksyon kabahin sa ggidak-on sa maong palak nga ilaha gyud kini nga gikadismaya pag-ayo ilabi na sa nagduso sa maong balaud.
Kung imung sabton wala gyud sila kauyon sa buot nga tumong ni Senador Dick Gordon nga ang maong balaud alang sa kaluwasan sa tanan batok sa kriminalidad.Ang balaud gimugna alang sa kaayuhan sa tanan.Pero mao lageh nga dunay pagduda ang kadaghan nga dili mawagtang nga kung kini hingpit na nga ipatuman aduna ba kahay kasiguruhan nga kini maoy sulbad sa kriminalidad sa atong katilingban??? Kay tungod sa rason, ang mga motorsiklo sagad ginagamit sa mga krminal., kay dali rang makaikyas palayo sa nahitabuan ilabi pa kung ang usa ka karsada hilabihang trapika….!!!
Apan sa kabahin sa mga motorista dili analang tanan ipasangil sa mga naghupot ug motor ang problema sa kriminalidad sa atong katlilingban, sanglit dunay ubang mga criminal mugamit naman ug mga sakyanan!!! Nganung dili nalang pud sila apilon sa pagpatuman sa dagkong plaka..?? Nganung ang mga motor lang man gyud ang daw ginaduot sa mga kgubot sa atong palibot.?
Ang dakong pangutana karon sa kadaghanan nganung ang maong balaudnon kaniadto nakapasa man sa senado? Tungod kay kini nga balaudnon sigurado man gyud nga miagi kini ug pagtuon ingon man konsultasyon sa mga grupo sa mga riders sa atong nasud una kini maaprubahan sa mga magbabalaud dayon pirmahan sa pangulo, apan unsa man ang nahitabo karon nga daw nagkayagaw man ang mga motor riders nga misangpot sa pagbagotbot, ug nagpalaban sa pangulo. Wala ba diay sakto nga pagkonsulta sa mga grupo sa mga nanag-iya ug mga motorsiklo. Dili sab mawala sa atong pagduda nga nagkulang ang mga grupo sa gitawag nga koordinasyon sa ilahang mga kaubanan ug pipila lang sila ang gipailawom sa kunsultasyon. ?? Atong sabton nga ang konsultasyon lahi sa gitawag nga koordinasyon .basin baya ug nagkulang sa paghatag ug impormasyon ang mga lider sa mga motor riders kabahin sa maong balaudnon kaniadto sa pag-imbita kanila sa senado? Kay kung atong paminawon ang rason sa senador makaingon kita nga miagi gyud kini ug tukmang proseso una kini maaprubahan sa senado aron mapirmahan sa Pangulo isip hingpit nga mahimong usa ka balaud. Human nga napirmahan kining balaura hilabihan ang mga nadawat nga mga negatibong raksyon sa senador , ug daghan ang nakaingon nga angayan lang ba gyud nga ihan-ok ang tanang pagbasol og batikos sa senador?
