DAVAO CITY – Usa ka bulan ayha ang ipahigayon nga 2019 midterm elections, gibutyag sa National Citizen’s Movement for Free Election (Namfrel) nga wala pa sila na-accredit sa Commission of Election (Comelec) isip election watchdog.
Una ng gibutyag ni Namfrel secretary general Eric Jude Alvia nga miduso na sila ug accreditation sa milabay nga Disyembre 2018.
Apan wala sumala pa mihimo ang Comelec ug bisan unsa man nga lakang sa ilang aksiyon.
Gitataw sab ni Alvia nga ang poll watchdogs Parish Pastoral Council for Responsible Voting’s ugh Bangsamoro Free Election Movement ang accredited na sa Comelec.
Gitataw sab sa Namfrel nga ang ilang grupo magbag-o sab sa ilang core monitoring activity sa pagpahigayon ug parallel vote tabulation o Operation Quick Count kini tungod sa automated election system (AES) nga gisugdan kaniadtong 2010.
Gawas sa monitoring sa AES ug pag-assist sa Comelec pinaagi sa pagpahigayon sa Random Manual Audit, buot sab sa Namfrel nga magpahigayon ug Open Election Data Website diin ang transmission ug tabulation sa election results ang imonitor subay sa oras.
Naglaom na lamang karon si Alvia nga makadesisyon ang Comelec nga ilakip gilayon sila sa mga ma-accredit. Gibana-baang 30,000 ngadto na sa 40,000 ang ilang volunteers latas sa nasod.
