DAVAO CITY – Gilubat-lubatan si Goma Barangay Captain Leo Protilla dihang samtang namahulay sila human tahasi nga mao ang mokuha sa patay nga lawas sa mga NPA, kalit na lamang nga usa ka rebelde ang mibotho sa ilang nahimutangan ug mihangyo nga mo-surrender.
Wala daypn mituo si Kapitan Protilla, labi na nga ang pamayhon sa lalaki daw sama na lang sab sa usa ka yano nga mag-uuma sa ilang dapit.
Dihang gisukna niya kung asa ang iyang armas gisaysay sa mitahan nga iyang gitago-an sa ubos.
Human makuha ang armas mibalik gilayon sila sa sentro sa Barangay.
Nagkatibulaag ang mga rebeldeng New People’s Army (NPA) nga gikasangka sa mga sakop sa 39th IB Philippine Army niining milabay nga adlaw nga gikatuohan nga ubay-ubay pa nga mga patay ang wala pa mahipus.
Sumala pa kang Goma Barangay Kapitan Leo Protilla nga mismong ang mi-surrender nga NPA ang namahayag nga nag-iyahan sila ug panagan dihang gikasangka ang tropa sa kagamhanan sa Sitio Langan, Barangay Goma, Digos City.
Wala maka-agwanta ang mga rebelde sa wala’y puas nga pagpamomba nga ilang nahi-aguman gikan sa tropa sa kagamhanan.
Sumala sa Kapitan nga mounding lang ug dyutay ug subli na sab nga mopatugpa ug bomba ang kasundalohan sa kagamhanan.
Samtang gikompirma ni Rentoy Bior Labadak nga na-hold sila sa tropa sa kagamhanan dihang naatlan sa gubat sa Sitio Langan, Barangay Goma, Digos City niining milabay nga adlaw.
Sumala pa kang Rentoy nga dihang nakita sila sa kasundalohan gipadoul sila ug gipangutana.
Human makompirma nga mga sibilyan sila nga naatlan lamang sa gubat gipakaon sila ug panihapon diin manok ang ilang gisud-an.
