DAVAO CITY – Dose ka mga police na sa Davao Region ang nangataktak na gikan sa ilang mga serbisyo gikan Enero hangtud Hulyo arong tuiga.
Kini ang nasayran gikan kay Police Chief Inspector Milgrace Driz, tigpamaba sa Police Regional Office (PRO) 11.
Sumala pa kang Driz nga ang dose ka mga police nakahimo ug nagkada-iya nga mga kalapasan samtang anaa sa pagpangatungdanan, diin ang silot mao ang hingpit nga pagkataktak sa serbisyo.
Samtang otsenta sab ka mga police ang nasuspende, samtang 106 ka bouk ang na-abswelto sa ilang mga kaso. Sin gkwenta y dos sab ka mga police ang nadismiss ang ilang mga kaso.
Lima ka mga police ang nademote sa serbisyon ug na-restrict. Dugang pa ni Driz nga higpit kayo si PRO Eleven Director Police Chief Supt. Manuel Gaerlan ug dili niini bout nga dili masilotan ang ang mga police nga makasala.
Subay niini nag-awhag si Driz sa iyang mga kaubanang police nga mag-igmat kanunay ug magtarong sa pagpangatungdanan.
