-- ADVERTISEMENT --
DAVAO CITY – Midugang ang kagamhanang dakbayan ug mga CCTV Camera aron sa pagseguro nga luwas ang katawhang dakbayan ug mga bisita atol ning nagsingabot nga ika-33 nga kasaulogan sa Kadayawan sa Davao.
Ipahimutang ang mga CCTV camera sa mga kadalanan, labi na ngadto sa mga agi-anan sa parade ug sa street dancing.
Nasayran gikan kang Beneto De Leon, hepe sa Public Safety and Security Command Center (PSSCC) gumikan sa nasenatian nga pagpamomba sa Lamitan City sa Basilan, kinahanglan sila nga modugang ug protocol.
Bisan ang Task Force Davao (TFD) nagpatuman sab ug double layer inspection sa pagsusi sa mga sakyanan nga mosulod sa dakbayan.
