DAVAO CITY – Gipangunahan mismo ni Davao City Mayor Inday Sara Duterte-Carpio ang mass oathaking sa 2,000 ka mga bag-ong miyembro sa Hugpong ng Pagbabago sa Davao Occidental.
Gihimo ang pagpanumpa sa municipal gym sa Malita Davao Occidental. Sama sa mga nauna nga pagbisita ni Mayor Inday sa pipila ka mga probinsiya sa Davao region, kauban pa gihapon niini ang pipila ka mga opisyal sa kagamhanan kalakip na si Ilocos Gobernor Imee Marcos, Sen. JV Ejercito, Presidential spokesperson Harry Roque ingon man si Ronald Bato dela Rosa ug uban pa.
Gipasabot ni Mayor Inday nga tumong ug tuyo sa Hugpong ng Pagbabago nga magkahiusa ang tanan nga mga taga Mindanao sa paghatag ug suporta aron nga botohan ang ilang mga naka-line up nga mokandidato pagka-senador sa 2019 midterm election.
