DAVAO CITY – Tibuok ang suporta sa Sangguniang Kabataan Federation sa “Oplan Tambay” campaign sa kasamtangang administrasyon.
Matud pa kang konsehal Jaffar Marohomsalic, representante sa City Council, nga napahibalo na nila ang tanan nga mga SK officials sa 182 barangays nga eedukar ang mga kabataan kalabot sa maong direktiba.
Hugtanon sab sumala pa karon ang ilang monitoring sa mga kabataan sa downtown areas.
Gitataw sab ni Marohomsalic nga ang mosunod nila nga agenda mao ang pag-draft ug ordinansa nga mosuporta sa mga lakang ni Pangulong Duterte.
Gisaad sab sa nahisgutan nga ipadayag sa plenaryo sa City Council nga magbaton ug consensus sa legal basis sa nahisgutan nga programa.
Sayo ning kasamtangan nga bulan, milingkod sa iyang katungdanan si Marohomsalic sa legislative body isip ex-officio member alang sa mga kabataan.
