DAVAO CITY – Mikantidad ngadto sa P2.4 milyones ka pesos nga kantidad sa illegal nga druga ang nasakmit sa Task Force Davao (TFD) sa ilang gimontar nga mga checkpoint.
Sumala pa kang TFD Commander Col. Nolasco Mempin sukad sa Enero hangtud Hulyo, kasamtangan nga tuig mokabat na ngadto sa 67 ka gramo sa shabu, ug 14 kilos sa pinauga nga dahin sa Marijuana ang nakompiska sa Task Force Davao.
Niadtong Hwebes nababagan sa Sirawan checkpoint ang usa ka Abdul human misulay sa pagpalusot ug shabu pasulod sa dakbayan.
Nasakmit gikan sa suspek ang siyam ka sachet sa shabu nga mibalor ngadto sa P510 mil ka pesos.
Subay niini mas gipahugtan pa sa Task Force Davao ang pagpakig-alayon sa kapolisan ug gipahugtan ang pagbantay sa mga checkpoint sa Lasang, Sirawan ug Caliunan area isip paghigpit sa seguridad sa dakbnyan, labi na nga nagsingabot na ang kasaulogan sa Kadayawan sa Davao.
