DAVAO CITY – Mibati ug grabe nga kabalaka ang mga residente sa sa Southbay, Brgy.Lapu lapu, Agdao ning dakbayan human nga adunay namatikdan nga ipo-ipo pasado alas otso kagabii.
Human nga nadawat ang report, gilayon nga miresponde sa lugar ang City Disaster Risk Reduction Management Office (CDRRMC) aron nga i-assist ang mga residente sa lugar.
Gitambagan sab sa ahensiya ang tanan nga mga residente partikular na kadtong nanimuyo daplin sa baybayon nga mokalma ug gitambagan nga dili basta-basta mag-post sa social media nga adunay tsunami ilabi na nga walay nasinatian nga linog kini aron nga dili maalarma ang katawhan.
Gipatuman sab ang Preemptive Evacuation sa kapin 300 ka mga indibdiwals samtang duruha ka indibidiwal ang nadala sa balay tambalanan human nga na-injured diin usa niini naila nga si Billy Erno, babaye, 60 anyos ug residente sa Lapu-lapu Agdao ning siyudad. Naigo sumala pa ang nahisgutan ug debris Galvanized iron.
Human ang pagkuso-kuso sa ipo-ipo adunay punoan ang nalukat partikular na sa Lapu Lapu, Agdao, Davao City pasado alas otso karong gabii.
Matud pa kang Gerald Garcia, residente sa Jerome Agdao, unang higayon sumala pa nila nga nasinatian ang susama nga insidente hinungdan nga nangandam gayud sila sa paghiklin.
Apan pipila ka oras ang pag-igo sa ipo-ipo gilayon nga mibalik sa ilang mga pinuy-anan ang pipila ka mga residente sa lugar.
Adunay pipila ka mga bangka usab ang nangadaut human ang maong insidente.
