DAVAO CITY – Laborer nga nangawat putlan unta ug kamot sa dihang nadakpan.
Napuno sa bun-og ang usa ka Marwin Mercy Wagi, 22 anyos, residente sa Purok-4, Deca Homes, Tacunan, Davao City.
Nasayran nga nahilambigit ang nahisgutan sa pagpangawat alas 2:45 ang takna sa kaadlawon, diin naila ang biktima nga usa ka Densio Sonny Orbeso Albeno, 28 anyos, residente sa Bukidnon ug temporary nga nanimuyo sa Times Beach Ecoland, ning dakbyan sa Davao.
Sumala sa biktima nga igo lamang siya nga natulog sa Quimpo Boulevard ning dakbayan sa Davao kaganinang kaadlawon apan gi-ukoy sumala pa sa suspetsado, kuyog ang usa ka alyas Junjun ang bag nga gidala ug gigunitan sa biktima.
Nakamatikod ang biktima hinongdan nga sa dihang gikuha na ang iyang bag midagan ang suspek apan nakahimo sa paggukod ang biktima ug na-corner ang suspek sa SIR Matina, ning dakbayan sa Davao.
Nabawi na unta ang bag, apan gipasa sa suspek ngadto sa iyang kauban nga usa ka alyas Junjun ug nawagtang ang P1,100 ka pesos nga cash.
Napugngan ang kawatan ug nabokbokan sa biktima ug sa mga nagpakabana nga mga residente sa dapit.
Dali nga naka-responde ang Talomo PNP ug gidakop ang suspek nga nabalhug na sa nahisgutan nga presento sa kapolisan.
