DAVAO CITY – Bout ni Konsehal Pilar Braga nga kompiskahon sa mga traffic enforcers ang driver’s license kung makahimo ug kalapasan sa balaod trapeko ang mga driver.
Kini ang unod sa gikasugyot nga amendment sa City Ordinance 0334-12 o ang Comprehensive Transport and Traffic Code sa dakbayan sa Davao.
Sumala pa kang Konsihal Braga isog ang mga motorista nga molapas sa balaod trapiko gumikan kay wala’y kagahum ang lokal nga mga traffic enforces sa pagkompiska sa ilang mga driver’s license.
Gituohan nga makatabang ug daku kung mas pakusgan pa ang traffic management control sa mga traffic enforcers.
Naglaum sab si Konsehal Pillar Braga nga makatabang sa pag-regulate sa mga private motor vehicles ang bag-ong amendments sa ordinansa alang sa pagpahapsay sa trapeko sa dakbayan.
