DAVAO CITY – Gitataw ni Cabantian Barangay Captain Danilo Cabiles, nga dili kanunay makasenati ug pagbaha ang Laverna Hills, bisan kung kusog ang pagbunok sa ulan.
Hinoon lahi na karon gumikan kay paspas na ang pagsaka sa tubig baha nga misangpot sa pagka-anod sa daghanan nga mga sakyanan, ug pagkahasol sa mga residente sa dapit.
Nalisdan na sila karon sa pagpahubas sa baha bisan pa kung nagbuntag ang pagpa-andar sa water pump sa DPWH.
Padayon karon nga gitun-an ang pagkontrola sa baha sa nahisgutan nga dapit.
Nasayran nga daku ang kanal sa CP Garcia Highway ug kadto lamang mga kanal nga kaya nga hinlo-an sa Barangay ang ilang gina-atiman.
Dugang pa ni Kapitan Cabiles nga on standby ang ilang Barangay Disaster Risk Reduction and Management Council (BDRRMC) aron nga matabangan dayon ang ma-apektohan sa mga baha.
