DAVAO CITY – Natahap ang pamilyang Narte nga gi-trabaho gayud sa Talomo Police Station ang suspected serial killer nga si James Barete Narte, 35 anyos, residente sa Purok 10, Libby Road, Bago Gallera, Davao City ug gipangitaan ug paagi nga mapatay.
Sumala sa pamilya nga kagahapon gidala sumala pa ang suspek sa likod sa police station apan mikuyog ang inahan niini, hinongdan nga wala kini mahilabti.
Kaganinang buntag nagdala pa ug balon nga kan-on, sud-an ug tubig ang pamilya alang kang James apan nasubo sa nadawat nga balita nga patay na ang dinakpan human nangilog ug armas.
Igo na lamang sa paghilak ang hinigugma ni James, kinsa namahayag nga kung mag-away sila igo lamang mohilak ang suspek ug dili makabalo nga manakit kaniya.
Napaiyak na lamang ang kasentahan ng suspek matapus malamang patay na ito.
Ang igsuon ug mga ginikanan sa matag adlaw nga nagabantay sa dinakpan.
Pahayag sa igsuon sa suspek nga matag gabii sumala pa ginabutangan ug sili ang mata ug kinatawo sa dinakpan ug ginapakulata sa mga kaubanang binilanggo.
Samtang sumala pa kang Liberato Narte, amahan sa suspek nga gusto na sumala sa iyang anak nga makuhaan na siya ug similya aron nga ikatandi sa posibling nakuha gikan sa babae.
Gitataw sumala pa ni James dihang buhi pa nga dili gayud siya mo-angkon sa sala nga wala niya buhata.
