DAVAO CITY – Andam na sa ilang mamahimong katungdanan ang mga bag-ong Cafgu Active Auxilliary (CAA) II ilalom sa Task Force Davao (TFD) kini dungan sa gipahigayon nga send of ceremony ug enstrustment of firearms kagahapong adlawa nga gipangunahan ni TFD Commander Col. Nolasco Mempin.
Ipakatag sumala pa ang mga nahisgutan sa mga checkpoint sa dakbayan ug sa uban pang vital installation sa siyudad. Matud pa kang Col. Mempin nga gawas samga nahisgutan, posibleng magdugang pa sila ug laing 30 pa ka mga sakop sulod karung tuiga o sayo sa mosunod nga tuig nga ilang ipailalom sa training apan sa kasamtangan, mag-agad pa sila sa mamahimong pundo alang niini.
Gibutyag sab sa opisyal nga bastante sumala pa ang ihap sa mga sakop sa Task Force Davao (TFD) aron nga magpatuman ug seguridad sa mga Dabawenyo gawas lamang kung adunay mga dagkong event sama sa nagsingabot nga Kadayawan diin kinahanglan nila ug igong puwersa aron nga masiguro ang seguridad sa katawhan ingon man sa mga turista.
