DAVAO CITY – Wala’y hunong ang gilusad nga imbestigasyon sa Davao City Police Office (DCPO) sa paglugos ug pagptay sa usa ka Rea Manila, 16 anyos, residente sa Purok 10, Libby Road, Bago Gallera, ning dakbayan sa Davao niadtong Biernes sa gabii.
Sumala pa kang Davao City Mayor Inday Sara Duterte-Carpio gipasaligan siya ni DCPO Director Police Senior Supt. Alexander Tagum nga bisan kung duna na’y nadakpan nga suspek suta-on pa gihapon sa kapolisan kung kinsa pa ang posibling responsabli sa krimin.
Dugang gipasalig ni Tagum nga mahatagan ug hustisya ang pamilya sa biktima, labi na nga brutal ang gihimo sa suspek nga pagbunal sa ulo sa batan-on babaye sa usa ka magahi nga butang.
Nasayran nga mihatag na ug hinabang sa pamilya sa biktima ang kagamhanang dakbayan pinaagi sa CSSDO ug sa City Mayor Office.
