DAVAO CITY – Gi-inquest na sa kasong rape with homicide si James Barreta Narte, 35 anyos nga suspek sa pag-among-among sa biktimang si Rea Manila, 16 anyos nga estudyante.
Kini ang gihatagan ug katin-awan ni PCI Ronald Lao, hepe sa Talomo Police Station, kinsa namahayag nga daghanan sila ug mga saksi ug mga nakuha nga physical evidence sa crime scene nga modout sa suspek sa krimin.
Kahinumduman nga una nang nasayran nga gipaabot na lamang ang resulta sa DNA ug Drug Abuse Examination result sa suspek sa paglugos ug pagpatay sa dese sais anyos nga batan-ong babaye Rea Manila sa Libby Road, Bago Gallera niadtong Biernes sa gabii.
Tumong niini nga masuta kung gagamitan ba ug illegal nga druga ang suspek nga si Narte, 35 anyos, kinsa naaresto dayon sa Talomo Police human makita nga mao ang midagit sa biktima ug midala niini sa usaka bakanten.
Una nang nakompirma nga gipanag-iya ni Narte ang towel nga na-recover gikan sa crime scene.
Ang suspek nga usa ka construction worker mag-atubang ug kaso nga rape with homicide.
Ang biktima nakaplagan nga gisulod sa cellophane sa saging sa likod sa usa ka abandonado nga balay sa Purok 10, Libby Road, Bago, ning dakbayan sa Davao.
