DAVAO CITY – Buot sa tribal group sa Langilan-Manobo nga Salugpungan Ta Tanu Inkanugon nga magbaton ug kalinaw sa ilang lugar hinungdan nga nakiglambigit sila sa kasundalohan pinaagi sa usa ka tribal peace covenant nga “Pakag” o “Tampura” sa Sitio Nasilaban, Palma Gil, Talaingod, Davao Del Norte.
Gipangunahan ang nahisgutan nga grupo ni Datu Gibang Apoga nga ilado ug influential Tribal Leader sa Langilan-Manobo Tribe.
Gikanayong duruha ka dekada nga nakig-atbang ang ilang grupo sa kagamhanan nga maoy hinungdan sa insurhensiya sa Davao Del Norte.
Gidawat ang mga tribu sa mga representante gikan sa local government unit, Provincial Indigenous Mandatory Representative, Bae Pilar Libayao, Chairman sa Talaingod Tribal Council ug uban pang opisyal sa kagamhanan ug miyembro sa Indigenous Peoples Community sa lugar.
Tinud-an sumala pa ang suporta ni Datu Gibang Apoga sa kagamhanan hinungdan nga atol sa “Tampura” gi-turn over niini ang iyang armas ngadto kang B/Gen. Ernesto Torres Jr., Commander sa 1003rd Infantry Brigade ug Lieutenant Colonel Edwin M. Paredes, Battalion Commander sa 56IB nga maoy nakighinabi sa Tribal Leader.
Gisaksihan ang maong aktibidad sa kapin kun kulang 500 ka mga tribal leaders ug tribe members.
Samtang gibutyag sab ni Lt. Gen. Benjamin Madrigal Jr., Commander sa Eastern Mindanao Command nga dakong tabang ang maong lakaw aron nga hingpit nga kalinaw ang lugar dungan sa pasalig nga respetuhon sab sa militar ang kultura sa mga lumad.
