Davao del Norte Gov. Del Rosario gikondena ang pagpatay sa mediaman nga si Denora

DAVAO CITY – Nagpahayag sa iyang pagkondena si Davao del Norte Governor Anthony del Rosario sa pagpatay sa mediaman nga si Dennis Wilfredo Denora.

Sa iyang gipagawas nga mensahe, matud pa kang Gov. Del Rosario, nakighiusa ang probinsiya sa Davao del Norte sa pagkondena sa walay kaluoy nga pagpatay kang Denora nga usa ka respetado sumala pa nga sakop sa media sa Davao region.

Matud pa kang del Rosario nga kaabag nila ang biktima sa mga kalamboan sa probinsiya sa bahin sa sektor sa mga tigbalita.

Dako sumala pa ang natabang niini aron nga ipahibalo sa katawhan ang mga panghitabo sa lalawigan sa Davao del Norte pinaagi sa iyang mga gipangsulat sa mantalaan.

Nagpadangat sab ang opisyal ug pahasubo sa nahibilin nga pamilya sa biktima.