DAVAO CITY – Samdon ug padayon nga gitambalan sa hospital ang lima ka mga sakop sa tropa sa kagamhanan human maigo sa mibusikad nga Improvised Explosive Devise (IED) mga 10:55 kagabii sa Sitio Patawon, Barangay Cabuyuan, Mabini, Compostela Valley Province.
Unang nasayran nga ang Platoon sa Charlie Company, 46 Infantry Batallion (IB), 8 Infantry Division (ID) PA, sa pagpanguna ni Sgt. Evasco (INF) PA anaa sa lugar ug samtang nagpadulong sa Kilometer 15, Barangay Cabuyuan, Mabini, ComVal Province kalit na lamang nga milanog ang pagbusikad sa IED sa Sitio Patawon, Barangay Cabuyuan, Mabini, Compostela Valley Province nga gituohang binuhatan sa Milisyang Bayan (MB) members sa Apo Cluster B sa pagpanguna sa usa ka alias Janu.
Dali sab dayon nga mi-abot sa dapit ang tropa sa 46IB, 8ID Philippine Army aron sa pagkuha sa mga biktima.
Samtang ang mga personahe sa Mabini Municipal Police Station uban sa AFP counterparts milusad gilayon ug follow-up investigation sa nahisgutan nga panghitabo ug alang sa posibleng pagdakop sa mga miikyas nga mga suspetsado.
