DAVAO CITY – Gipasabot ni City Transport and Traffic Management Office (CTTMO) Dionesio Abude head Dionisio Abude nga kinahanglan limpiyo ang iyang mga personahe hinungdan nga ilang gipahigayon ang random drug test sa mga bag-o nila nga mga personahe.
Kahinumduman nga kapin 200 ang gipailalom sa drug test diin ila kining gitunga sa duruha ka batch aron nga masigurong dili maapektohan ang dagan sa trapiko.
Matud pa kang Abude nga pinaagi sa maong lakang masayran nila kung nalambigit ba sa susamang binuhatan ang mga bag-ong personahe sa ahensiya sanglit makaapekto sumala pa kini sa ilang performance.
Sa higayon nga mag-positibo, hayan nga dili makapadayon sa iyang trabaho isip bag-ong sakop sa CTTMO ang bag-o nga gi-recruit.
Sa pikas nga bahin, mapasalamaton sab si Col. Nolasco Mempin, commander sa Task Force Davao gumikan kay nag-negatibo ang iyang 89 ka mga personahe sa gipahigayon drug test.
Hinuon gipasalig sa nahisgutan nga magpadayon ang maong lakang aron nga masigurong limpiyo ang ilang han-ay ug isip pagpakita ug suporta sa kampanya batok illegal nga droga sa kagamhanan.
