DAVAO CITY – Hingpit na nga napasakahan ug kasong Arson ang mga suspek nga misunog sa excavator o backhoe sa Talaingod Davao del Norte.
Una niini, nailhan na sa kapulisan ang pito ka mga suspek nga gikanayong adunay koneksiyon sa mga New People’s Army (NPA).
Naila ang mga akusado nga sila si Laro Manlologpis alyas Wacky; Rommel Tausan; Enting Tumbasay; Lugib Tausan alyas Bagani; Enting Mansumiat alyas Steb; Dalagis Balite aylas Carlos; ug Joe Almendras alyas Jose.
Matud pa kang Police Senior Inspector Melgrace Driz ang tigpamaba sa Police Regiona Office (PRO) 11, tin-aw sumala pa nga nangilkil ang mga nahisgutan gumikan kay nangayo kini ug rebolutionary tax apan wala gihatagan hinungdan nga gisunog na lamang sa mga suspek ang backhoe.
Gitataw sab ni Driz nga subayon sab nila kung aduna bay mga standing warrant of arrest ang mga suspetsado.
