DAVAO CITY – Anaa na karon sa kustodiya sa kasundolahan ang duruha ka tag-as nga opisyal sa New People’s Army (NPA) ug gikatakdang ipailalom sa programa sa kagamhanan aron nga makasugod kini sa ilang bag-ong kinabuhi.
Mitahan ang mga NPA leader sa milabay nga semana nga giilang sila si Lolito Pacle Sr. Alyas Paul kanhi chairman sa Kilusang Taga-organisa (KTO) ug vice commander sa Militia ng Bayan ug secretary sa Sub-Section Committee (Secom) 18, Sub-Regional Committee, Southern Mindanao Regional Command sa NPA; ug Juanito Sabang, chairman sa Organizing Group ug courier ilalom sa Guerilla Front 2, Sub-Regional Committee 2, Southern Mindanao Regional Command sa NPA.
Matud pa kang Lt. Colonel Esteveyn Ducusin, commander sa 71st Infantry Battalion, nga ang duruha ka mga communist officials boluntaryo nga mitahan sa ilang kaugalingon sa tropa sa kasundalohan.
Dugang sa opisyal nga si Pacle ug Sabang ang gi-ubanan sa tropa sa kasundalohan ngadto sa local government unit (LGU). Dala ni Pacle ang usa ka improvised firearm Uzi sa iyang pagtahan sa Bravo Company sa tabang ni municipal Mayor Rhodora Alcoran.
Gitataw ni Ducusin nga laoman ang monetary incentives alang sa mga kanhi rebelde ug supporters nga mitahan sa ilang mga armas ilalom sa Comprehensive Local Integration Program.
