DAVAO CITY – Gidayeg sa mga opisyal sa lokal nga panggamhanan ang kalampusan sa Passport on Wheels Program gumikan kay ubay-ubay sumala pa nga mga palikante ang naserbisyohan ug nakapasar sa pre-evaluation sa Department of Foreign Affairs (DFA).
Gidayeg ni Davao City Administrator Zuleika Lopez ang maong aktibidad nga gipahigayon sa Almendras Gym sa milabay nga Marso 16 ngadto sa 17, 2018.
Ang Passport on Wheels usa ka event nga gipahigayon sa DFA aron maakumudar kadtong buot nga mag-proseso sa ilang pasaporte.
Matud pa kang Mary Resma, in-charge sa Passport on Wheels activity, nga malipayon sila ug proud human nga kadawat kini ug positibo nga feedback sa social media.
Gani nakadawat sila ug daghanang requests nga subling himuon ang aktibidad nga unang gipahigayon dinhi sa Mindanao. Laoman sumala pa nga madawat sa mga aplikante ang ilang passports sulod sa 20 ka adlaw sukad sa pagproseso.
