DAVAO CITY – Plano sa kapulisan nga ipa-ilalom sa drug test ang amahan nga misunog sa iyang tres anyos nga anak pasado alas 9 sa gabii niadtong adlaw nga Domingo sulod sa ilang pinoy-anan sa Malagamot, Panacan ning syudad nga maoy hinungdan sa katayon niini.
Sumala pa pang Police Chief Insp. Emerson Pugong, hepe sa Sasa Police station, buot nilang masayran kung naga-gamit ba ug ginadiling druga si Randy Candiente, 46 anyos, construction worker ug nagpuyo sa Purok 26, Malagamot, Panacan ning dakbayan sa Dabaw.
Gikanayon ni Inspector Pugong, binuhatan sa usaka tawo nga wala sa iyang insaktrong panghuna-huna ang gihimo sa suspect ngadto sa iyang anak. Gawas niini, nasayran usab sa kapulisan nga kanhi na nalolong sa druga si Candiente niadtong ulitawo pa kini ug nagtrabaho didto sa kauluhan.
Samtang, doble ang gihimong pagbantay usab sa Sasa PNP kang Candiente human misulay kini sa paghikog kagahapong adlawa sa CR sulod sa selda.
Kini human nasayran sa suspect nga kritikal ug comatose na ang iyang anak gumikan sa grabe nga paso sa kalawasan.
Nasayran nga halos 70 porsiento sa lawas sa bata ang napaig hinungdan nga nabugtuan na kini sa iyang kinabuhi alas 6:30 kagabii. Samtang, gipasaka na usab ang kasong parricide batok sa suspect.
