DAVAO CITY – Gumikan sa namatikdan nga naghinobra nga kainit ug kaigang sa panahon dinhi sa dakbayan, gipahimangno-an karon sa City Health Office (CHO) ang mga taga-Davao nga mo-inum ug daghanan nga tubig, labi na atol sa pagsulod sa ting-init.
Kini aron nga kalikayan ang dehydration gumikan sa naghinobrang kainit sa panahon.
Nasayran sa Bombo Radyo Davao gikan kang CHO head Dra. Josephine Villafuerte daghanan nga mga sakit ang mamahimo nga makuha gikan sa naghinobra nga kainit sa panahon sama sa heat stroke, magkalipong ug pagkaluya sa lawas.
Dugang pa ni Villafuerte nga sa tig-init mogula ang sore eyes, diarrhea ug food poisoning.
Gumikan niini gipahimangno-an sa CHO ang mga Davaoño nga kanunay nga manghinlo ug likayan ang pagkabulad sa adlaw, labi na lapas alas 10:00 sa buntag.
Sa kasamtangan ang temperatura sa Davao anaa sa 24-33 ka degrees celcius.
