Pangulong Duterte, nagpahimangno sa kasundalohan batok NPA

DAVAO CITY – Gipahimangno-an ni Pangulong Rodrigo Duterte ang kasundalohan batok sa subling pagka-aktibo sa mga SPARU Unit sa New People’s Army (NPA).

Sumala pa kang Pangulong Rodrigo Duterte, matag adlaw dunay duha hangtud tulo ka mga sundalo ang sagad nga mapatay sa mga liquidition squad sa mga rebelde.

Sagad sab niini mao kadtong mga mouli sa ilang mga pamilya o kaha mamalengke.

Gipahimangno-an sab sa pangulo ang mga sundalo ug kapulisan nga likayan ang pagpundo sa mga tindahan, ug uban pa nga mga pampubliko nga lugar labi na kung dunay dala nga armas, aron nga dili mamahimong target sa NPA.

Samtang gisugyot ni Agriculture Secretary Manny Piniol ang patukod ug Tienda sa bayan aron nga dili na kini mapugos nga mogawas aron nga mamalengke.