DAVAO CITY – Gitataw ni Vice Mayor Bernard Al-ag nga kinahanglan pa nga aprobahan ni Pangulong Rodrigo Duterte ang appointment ni Mulig Toril Barangay Captain Carmelo Clarion.
Una nang gipahayag ni Clarion nga andam siya nga modawat sa nahisgutan nga tahas.
Dugang pa niya nga kung siya lamang ang pagbut-on tinguha niya nga ikapahimutang siya sa Committee sa Peace and Order sa Konseho.
Una nang gikompirma ni Davao City Vice Mayor Bernard Al-ag nga dunay rekomendasyon gikan kang Presidential Son Paolo ‘Polong’ Duterte ang pagkapili kang Kapitan Clarion, isip bag-ong Konsehal sa dakbayan sa Davao.
Huptan ni Clarion ang posisyon nga nabiya-an ni Vice Mayor Al-ag isip usa sa mga konsehal sa ikatulong distrito.
Sumala pa kang Al-ag ang mga opesyal sa Hugpong sa Tawong Lungsod ang mga mihimo sa hukom. Hinoon gihatagan ug gibug-aton ang rekomendasyon ni Polong gumikan kay kanhi kini nga Bese Mayor sa dakbayan.
