Liquor ban sa Davao nakatabang aron dili makasulod ang ‘party drugs’

DAVAO CITY – Dako og natabang ang Liquor Ban Ordinance sa dakbayan sa Davao aron nga kapugngan ang pagpamaligya ug mga party drugs dinhi sa dakbayan.

Kini ang nahimong panlantaw sa Philippine Drug Enforcement Agency (PDEA) 11 human nga gidili ang pagpamaligya og mga ilimnong makahubog sugod ala 1:00 sa kaadlawon hangtud na sa alas 8:00 sa buntag.

Sumala pa kang PDEA Regional Director Antonio Rivera nga gumikan kay wala’y makahigayon sa pagpamaligya ug party drugs nagmantinil na lang ug marijuana ang mga users.

Ginasusi sab sa PDEA ang mga packages nga ginapadala sa portal office.

Dugang pa ni Rivera nga kaabag nila niini ang Bureau of Customs (BoC) aron nga masiguro nga dili makasulod sa dakbayan ang mga party drugs.