DAVAO CITY – Nagpabilin nga suliran sa panglawas ang sakit nga tuberculosis dinhi sa dakbayan sa Davao kini ang gibutyag sa Department of Health (DOH).
Matud pa kang Health Regional Tuberculosis Prevention and Control Program head Evelyn Gelito bisan nga wala pa nila nakompleto ang ilang data sa milabay nga tuig, adunay dyutay lamang nga pag-ubos sa kaso sa nahisgutan nga balatian.
Subay sa data gikan sa DOH-Davao, aduna sumala pay 12,890 tuberculosis cases ang natala kaniadtong Pebrero 2017 diin 742 sa mga apektado ang mga bata, samtang sa 2016 mukabat sa 13,501 ka kaso ang natala diin 916 niini ang mga bata.
Nasayran nga ang Tuberculosis usa ka sakit nga hinungdan sa bacterium nga gitawag ug Mycobacterium tuberculosis nga sagad makuha kung mahanggap ang mga infectious droplet nga adunay bacteria.
Gitataw ni Gelito nga ang infectious droplets mamahimong hinungdan sa pag-ubos, pagpanghat-sing, pag-istorya o pagkanta.
Karung bulan sa Marso ipahigayon ang selebrasyon sa World Tuberculosis Day uban ang tema nga “Wanted: Leaders for a TB-Free World,”
