DAVAO CITY – Gipahimutang ni Pangulong Rodrigo Duterte nga Officer-In-Charge (OIC) sa Cotabato Foundation of Science and Tecnology (CFST) alang sa North Cotabato, dili pa makalingkod sa pwesto.
Si Dr. Solonding mao ang nangulo sa CFST Movement nga dili pa makalingkod isip OIC si Dr. Glen Hasan gumikan kay dili pa aprobado sa Board of Trustees (BOT) sa tulongha-an.
Kini bisan pa kung nagpahigayon ug special meeting ang BOT sa Commission On Hiegher Education sa Manila niadtong Pebrero 23, wala pa niini nahimong penal ang paglingkod ni Hasan.
Hangtud sa kasamtangan magpabilin nga OIC si Dr. Saynuden Adam, Vice President for Land Reservation sa nahisgutan nga tulonghaan.
Gusto sab ni Solonding nga molingkod isip OIC sa tulongha-an ang usa ka neutral party, sama kang Dr. Hasan.
Unom lamang ka bulan nga molingkod si Dr. Hasan sa Cotabato Foundation of Science and Tecnology hangtud nga mamahimong normal ang kahimtang sa tulongha-an, diin magpahigayon dayon ug piliay alang sa bag-ong presidente.
Kahinumduman nga niadtong Enero 29 gironda sa PDEA, Kapolisan, ug kasundalohan ang Staff House ni CFST President Dr. Samson Dulao ug nasakmit ang tunga sa mil ka pesos nga kantidad sa shabu, kalakip na ang trese ka mga tag-as nga kalibre sa mga armas.
