DAVAO CITY – Wala’y faultline nga agi-an sa linog sa Barangay Balindog, Kidapawan City.
Kini ang gikompirma ni Dr. Teresito Baculcol, Geologist sa Philippine Institute of Volcanology and Siesmology (PHIVOLCS) atol sa panagtagbo sa City Desaster Risk Reduction Management Office (CDRRMO) sa dakbayan sa Kidapawan.
Unang migawas sa pagtuon sa Mapanday Mines and Geo-Sciences Bureau nga dunay faultline sa nahisgutan nga dapit.
Kini ang nag-una nga rason nga dili makatukod ug tag-as ug dagku nga mga istraktura sa dakbayan sa Kidapawan sa kabalaka nga mahugno kini panahon sa kusog nga linog, labi na sa Barangay Balindog, Kidapawan City.
Karong bag-o nakita sa Phivolcs Cotabato ang active faultline gikan sa dakbayan sa Kidapawan, labi na sa Makilala, North Cotabato, ug Magsaysay, Davao del Sur.
Sumala pa kang Barangay Balindog Barangay Captain Marites Villanueva nga wala’y angayan nga ikahadlok ang katawhan sa Balindog gumikan kay dili tinuod nga dunay active fault line sa ilang dapit sa Balindog ug bisan sa tibuok dakbayan sa Kidapawan subay sa pahayag ni Dr. Teresito Baculcol, Geologist sa Philippine Institute of Volcanology and Siesmology (PHIVOLCS).
