DAVAO CITY – Daw wala mahimutang ang usa ka empleyado nga dalaga human kini nakadawat ug bulak sa patay samtang anaa siya sa kompanya nga iyahang gitrabahuan sa Bajada ning dakbayan sa Davao.
Sumala pa ni Mechele Llanto, 22-anyos, residente sa Matina Aplaya ning dakbayan nga ala 1:30 ang takna kagahapon sa hapon, adunay usa ka wala mailhing lalaki ang naghatod sa bulak sa patay ilahang opisina nga nakapangalan ngadto kaniya.
Sa maong hitabo nibati siya ug kabalaka kini gumikan kay iyahang nahunahuna nga dunay nagpahipi nga mensahe ang maong bulak nga gipadala kaniya.
Walay laing gidudahan si Mechele kondili iyahang kauban usab nga kauban sa trabaho gumikan sumala pa sa selos.
Sa karon gipalawoman pa ang imbistigasyon sa kapulisan sa Sta. Ana PNP.
