DAVAO CITY – Wala mipakita ug interes si Davao City Mayor Inday Sara Duterte-Carpio sa awhag kaniya nga modagan sa pagka-senador sa nasud sa umaabot nga eleksyon sunod tuig.
Sumala pa kang Mayor Inday dili niya mabiya-an ang iyang mga anak alang sa trabaho sa kaulohan.
Kini ang nag-una nga rason nga gi-indorso niya sila si Congresswoman Pia Cayetano ug Palace Communication Assistant Secretary, Mocha Uson.
Gitataw kini sa Mayor atol sa pagduaw niya sa Macau ug HongKong aron nga pasalamatan ang mga Overseas Filipino Workers (OFW) nga misuporta sa kampanaya ni Pangulong Rodrigo Duterte.
Una nang nakauban ni Mayor Duterte-Carpio ang iyang mga igsuon nga sila si kanhi Vice Mayor Paolo ‘Polong’ Duterte, ug Sebastian ‘Baste’ Duterte sa nahisgutan nga biyahe.
Didto sab sila si Foreign Affairs Secretary Allan Peter Cayetano ug Actor Robin ‘Binoy’ Padilla.
