DAVAO CITY – Gitagana ni Pangulong Rodrigo Duterte ang 1,000 ka condo units alang sa mga musurender nga sakop New People’s Army (NPA).
Kini ang gipanaad sa chief executive sa iyang pagtambong sa inagurasyon sa bag-ong shooting range sa Arms Corporation of the Philippines (ARMSCOR) Shooting Center, Incorporated (ASCI) sa may Buhangin ning dakbayan sa Davao.
Sumala pa sa pangulo nga himuon na lamang bag-ong pabalay ang mga sundalo kinsa maoy untang gigahinan sa maong 1,000 units nga mga pinoy-anan sa Talomo area.
Kung daghan sumala pa ang musurender nga sakop sa NPA iya na lamang una kining unahan ug ipa-ulahi ang kasundaluhan.
Samtang gi-tin-aw sa pangulo ang na-una niyang pahayag nga pusilon ang pribadong parte sa lawas sa mfa babayeng miembro sa rebelding grupo.
Gikatarungan sa pangulo nga usala lamang kini sa iyang mga pamaagi aron ipadayag ang iyang tumang kasuko batok sa mga amazona nga mag-sige ug pangalan apan ibilin lamang ang mga bata sa ilang mga kabanay.
Usa na sumala pa niini ang magtiayon nga NPA nga misurender diin 17 anyos na ang kamagulangan sa unom ka anak niini.
Dugang pa sa pangulo nga dili lamang angayan nga seryusohan ang mao niyang pahayag gumikan kay buot lamang niyang insultuhon ang mga nahisgutan.
